عاشق الرومانسيه

محمد عليان - محمد حميدان
 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 أغاني تراثـــية فلسطينـــية للأطفال رووعة

اذهب الى الأسفل 
كاتب الموضوعرسالة
سود العيون
وسام شرف
وسام شرف
avatar

انثى
عدد الرسائل : 226
العمر : 31
المزاج : رايقة
تاريخ التسجيل : 04/01/2008

مُساهمةموضوع: أغاني تراثـــية فلسطينـــية للأطفال رووعة   السبت يناير 05, 2008 3:55 am

صباااااااااااحكون سووووكـــــــر



كيف الأحوااااال؟؟



إن شاء الله تمام


الصراحــة انا مبسوطة كتيـــر بهيدا القــــسم بالمنتدى ، لأنو بيهتـــم بتراث كل بلــــد ..


وأحـــلى شي بيزكرنا أصلا ببلادنــا .. وبيرجعلنـــا رائحــة أرض بلادنــا ، وحنـــين طفولتنا زمااان


تراثنـــا وأغانيـــينـــا الشعبيـــة ..


فــــيارب نهتـم بهـــيدا القــــسم ... ونعطيه ( كل ما نمـــلك ) ...



وياريت مـــا يقتصر إهتمامنـا بتراث بلــــد واحد ، أو بلد معـــيـــن ..


بالعكــــس ياريت نهتـم بكل تراث البلاد العربيـة ، وشعووبها ..


( وجعلنـاكم شعوباً وقبائل لتعارفـوا إنّ أكرمكم عند الله أتقاكم )


واسمحـولي قدملكن كلمــات أغاني تراثية للأطفاااااااال


عن جد حلوييييين كتير

و

عن جد زكروني بأيام طفولتــــي


يلا تفضلوا



\



:P


يا رايح على الشجرة

جبلي معاك بقرة

حلاّبة العَشَرة

تحلب وتسقيني

يا ربُ تنجيني

انظروا انظروا يا ولادْ

ربانا شيخ الشّبابْ

اللي عيون سودُ سودْ

مكحلات براس العودْ


________________________


albino


حدوثهْ بدوتهْ *** طلع الشيخ ع التوتةْ

والتوتة بدها فاسة *** والفاسه عند الحداد

والحدادْ بده بيضة *** والبيضةْ عند الجاجة

والجاجة بدها علَفِةْ *** والَعلَفِةْ بالطاحونةْ

والطاحونهْ مسكّرةْ *** فيها ميّةْ معكّرة


________________________

flower



حطو مقصْ على مقصْ *** سبع عرايسْ تنزفْ

حطوا منخُل على منخلْ *** سَبَعْ عرايس تدخلْ

اشتي وزيدي *** بيتنا حَديدي

عمّنا عبد الله *** رزقنا عَ الله

شمست شميسه *** على قريعة عيشَه

عيشة بالمغارةْ *** جابَتْ قُط وفارةْ

ضربتهْ عَ ثمّه *** راحْ يعيطْ لأُمهْ

فَتَّتْ لُهْ فْطيرةْ *** عَ قدْ الحصيرةْ



flower



________________________

cat

يا فاطمه *** يا عونك

اين الجمل *** بالقنطرة

شو ياكل *** حب الذرة

شو يشربْ *** قطر الندى

هالباب يفتح *** ما يفْتحْ

هالباب يفتحْ *** ما يفتح

هالباب يفتحْ *** يفتح ، يغلقْ

ليلة عُرسكْ *** يا فلان

لا كرشه ولا مصران



اشتي يا دنيا وزيدي *** بيتنا حديدي

عمنا عبد الله *** رزقنا على الله

شمسي يا اشميسه *** ع عُروق عيشة

عيشة بنت البابا *** بتلعب على الشِّبابه

يا قمرنا يا جدع *** يا اللي مشنشل بالودع

بناتك ستة سبعة *** بلعبن على القبعة



________________________

Basketball

تهليلة الطفل

نيمتك في العلية *** خوفي عليك من الحية

تعاليله يا بدرية *** بركن على صوتك ينام

نيمتك في المرجوحة *** خوفي عليك من الشوحة

تعاليله يا عندوره *** بركن على صوتك ينام

أو نني نني






ياااه وهيدي شو كانت ماما تغنيلنا ياها وتلعبنا ياها lol!

حديرجه بديرجه *** من خيها لبيها

قالت لي معلمتي *** جيبي زيت وبصل

وقع الكوز وانكسر *** حلفت معلمتي

لتعلقني بالشجر *** والشجر مليان عروق

خبي إجرك يا *** منيحه يا عروس

يا أم الحلق *** والدبوس



________________________


No بهيدي تزكرت كيف كنت غنيها أنا واختي وبنت عمي ونحنا صغـيورات


يا مفطر بعد العيد *** حني اسعد وسعيد

حني عليه الألماني *** خلي اسنانه قدامي

بكرة العيد وبنعيد *** بنذبح بقرة السيد

والسيد ماله بقرة *** بنذبح بنته هالشقرة

والشقرا ما فيها دم *** غير نذبح بنت العم

بكره العيد يا مسعود *** دارت الميه في العود

يا سعيد ويا سعيد *** اليوم الوقفة وبكره العيد

بكره العيد من حقه *** بنقطع راسك يا سقا

بكره العيد والثاني *** بنقطع راس أبو هاني

بكره العيد والثالث *** بنقطع راس أبو عايد



________________________



cheers


يا ربي تشتي *** وأروح عند ستّي

تعمل لي فطيرة *** قد الحصيرة

آكلها وأنام *** واصبح جيعان

اشتي وزيدي *** بيتنا حديدي

عمنا عبد الله *** رزقنا ع الله

يا رب تشتي لنا *** ونغسل غسلينا

غسيلنا بالطابية *** لنعمل زلابية

كل واحد قرص، قرص *** والباقي لام العروس

يا الله الغيث يا ربي *** خبزي قرقد في عبي

(قرقد: أي تيبس)



________________________

( هيدي رووووعة ) I love you

من أغاني المقاومة..

أنا طفله عربية *** بحارب مع الفدائية

أنا عمري ثلاث سنين *** قلبي صوان متين

ما بحمل فرد فلين *** وبرمي قنابل يدوية

أنا عمري ما بخاف *** ولا نتخبا تحت لحاف

والصهاينة قبالي ضعاف *** وبكفي إني عربية



________________________




أنا البطة البلدية *** بسبح في وسط المية

لاقوني اثنين يهوديه *** قالوا لي وين الهوية

قلت لهم أنا فدائية



________________________



آه يا فارة *** ليش محتارة

قالت آه قطتنا *** عجلي فوتي بخيمتنا

عجلي فوتي بخيمتنا *** نونو نو بستنا



________________________



طلعت ع السطوح *** رماني الهوا

شافني الدكتور *** واعطاني دوا

فستقه يا بندقه *** يا حبة كستنا



________________________



طيري وهدي *** يا وزه

ع بلاد غزة *** يا وزة

قطف العنب *** بالسلة

مقطوف مقطوف *** آمنه

يا معطارتي *** آمنه

دقت الكبة *** آمنه

انزلت على الشركه البركه

يا خالو..

لقيت خواتي الستة

يا خالو..

لقيت مندوب الأزعر

يا خالو..

عما يمشي او بتكعور

يا خالوا..



\



وسلمتوووووو


حلوين صح ؟



يلا سي ياااا


سود .

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cid-2979b16e45d7ac40.spaces.live.com/
al-saher
الاداره
الاداره
avatar

ذكر
عدد الرسائل : 143
العمر : 27
البلد : فلسطين \\القدس
المزاج : not your busniss
تاريخ التسجيل : 03/01/2008

مُساهمةموضوع: رد: أغاني تراثـــية فلسطينـــية للأطفال رووعة   السبت يناير 05, 2008 10:11 pm

مشكور سود العيون
Basketball Basketball Basketball

santa
santa
santa
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-saher.top-board.com/index.htm
nana
عضو جديد
avatar

انثى
عدد الرسائل : 57
البلد : الناصره
تاريخ التسجيل : 28/06/2008

مُساهمةموضوع: رد: أغاني تراثـــية فلسطينـــية للأطفال رووعة   السبت يونيو 28, 2008 9:16 pm

الكود:
[color=violet]is buteful  thnx..ro3h [/color]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أغاني تراثـــية فلسطينـــية للأطفال رووعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاشق الرومانسيه :: المنتديات: الاغاني العربية والاجنبية و العبريه :: .•ஐ•°•..الاغاني الشعبية والتراثية.•ஐ•°•..-
انتقل الى: